"胃脹脹" 點算好?

 

"胃脹脹" 點算好?

前兩日有客人問到:「我成日覺得飽飽滯滯又好多胃氣點算好?」。我首先問佢平時多數食d咩，好快我就知道導致佢胃頂、胃氣脹的“元兇”－就係客人的飲食習慣。   有胃部不適的人士第一樣要做的就係戒口。所有會引致脹氣的食物都要戒，好似芋頭、花生、堅果、碳酸飲料、豆類製品等等。蔬菜都要煮淋d先好食，西蘭花、椰菜呢ｄ較難消化的菜係胃部不適時就唔好食住。仲有辣野，酸野，濃茶，咖啡等刺激性食物亦應避免。一些不良的飲食習慣都會引起胃部不適，好似一路食野一路講野會令空氣進入胃部，形成胃氣。成日食宵夜，飲食唔定時會令胃酸分泌失調，對胃黏膜構成傷害，增加胃部不適的機會。   咁食咩係最易消化呢？答案就係用米做的食物，好似粥、米飯、米粉等等…大家都可以試下無麩質飲食（gluten free diet），而麩質係指小麥、大麥、燕麥中的蛋白質。避免食用含麩質的食物，因為比較難消化，如燕麥、麵包、意粉、餅乾等。宜家市面上都有不少gluten free的意粉、餅乾買，大家可以一試。   除咗從飲食方面中著手，一些營養補充劑都可以幫到手。好似乳酸菌唔單止能改善消化能力，對胃脹，胃氣等有幫助，仲可以促進腸臟蠕動，加快廢物及宿便排出體外。而蘋果醋內含的果膠及酵素都能幫助排泄同消化。一些消化酵素如Papaya Enzymes，Bromelain可以幫助分解蛋白質，Gluten Ease可以幫助分解麩質的食物如麵包、意粉、餅乾等。仲有Digest Gold內含的酵素有一個特別的配方，唔單止能消化蛋白質，脂肪，澱粉質，就連水溶性及非水溶性纖維都可以消化，對消化不良及消化不良引起的胃脹，胃氣，胃酸倒流等情況都好有幫助。飲用天然的草本茶如薄荷茶、薑茶都能舒緩胃部不適。 其實大家只要飲食定時，食野時少講野，飯後最好可以起身走動下及不立即吃水果同飲大量湯或水。多做運動以促進腸胃蠕動又可以幫助消化。同埋留意下自己有冇對某種食物特別容易產生脹氣以避開這些食物，再加上營養補充劑的輔助下，一定好快唔再“胃脹脹”呢！以上提過的營養補充劑，HealthQuest 也有同類產品，歡迎大家向我們查詢！