周身骨痛… 有乜解救?

人年紀大左，難免會呢度痛下，嗰度痛下，又唔想下下食止痛藥，究竟有無其他辦法? 咁就梗係有啦! 睇下以下的例子幫唔幫到你? 病例一 劉老太 (化名): 年紀大了，膝頭痛，行路仲要拿拐杖，唉，又唔想成日食止痛藥，老人家病痛多，真係麻煩… 健康顧問: 其實又唔咁灰心，如果你的關節係因為年紀大或者係做某d運動過多而磨損左，可以試下食葡萄糖胺 (Glucosamine)，如果關節位發炎的話，可能會感覺到痛，可以考慮同時食葡萄糖胺 + 軟骨素 (Chondroitin )，軟骨素本身有 “退炎”的作用。 病例二 Christ (化名): 我年紀都唔係大，先四十幾歲，就有腰痛和關節痛，食左葡萄糖胺都好似乜幫助，咁可以食d乜改善下?   健康顧問: 可以考慮下食植物油如亞麻籽油或者月見草油，或者魚油的保健品，因為亞麻籽油和魚油裡面的奧米加3 (O mega 3)，以及月見草油裡面的γ-亞麻酸 (Gamma Linolenic Acid) 都有退炎的作用。 另外，可以加一個維他命B雜，其中的幾種維他命B也有退炎作用，也可以用冬蟲草。 如果真的好痛，可以食幾日消炎藥，要注意的是消炎藥會傷胃，記得同胃藥同食; 如果唔想用消炎藥，可以試下魔鬼爪 (Devil’s Claw) 或者貓爪草 (Cat’s Claw)，它們也有一定的消炎止痛作用，只需要短期食就可以了。 人年紀大左，對痛的感覺會敏感左，不一定是因為情況嚴重了，有時會因為轉天氣，壓力大，個人緊張、瞓得唔好等原因，也會令人痛症明顯左。 壓力大，瞓得唔好等原因會令一個人的情緒差些，而情緒差或者心情唔好對痛症也會有影響。 如果一個人的心情差，會更令個人更易感覺到痛，即使病情沒嚴重了，也有機會感覺到痛多左或者感覺更痛。 呢d情況都可以服用魚油，它含有的omega 3 (即DHA和EPA)可以幫助改善情緒同時又有退炎的作用。 如果有荷爾蒙不平衡而引起的情緒緊張、易怒、情緒低落等問題，可以用月見草油來幫助平衡荷爾蒙，而且月見草油也有不錯的退炎效果，有助舒緩關節腫痛。 個人瞓得好些，也會感覺無咁痛，如果係因為大腦好多嘢唸而難入睡的話，可以試下用GABA (是氨基酸的一種) 或者Natural Factors Tranquil Sleep來幫個人放鬆入睡。 飲食上，有痛症期間，盡量不要食以下的食物，否則令炎症更差，如茄子、蕃薯、芋頭、青椒、紅椒、芽菜仔、菇等。 不可少的當然是，要多喝水，降低身體裡面會引起炎症的物質的濃度。 由於每個人嘅情況都有所不同，所以在飲食上及營養補充劑上的配合也會有分別，如果想了解自己嘅情況可以點做，歡迎隨時向我們查詢。