“疣定油脂”?

“疣定油脂”?

“點解我腳板生咗ｄ好似雞眼的物體,但係按下又有ｄ痛而且粗糙，仲有黑點！究竟係咩黎?”其實個d並唔係雞眼，而是一種叫疣 (Wart) 的皮膚疾病。 疣係由人類乳頭狀瘤病毒 (HPV) 感染而引起的皮膚病，任何年齡的人都有可能患上，而且仲會係身體不同部份生長。病毒能通過微小的皮膚裂縫進入身體內，如手、腳、受傷部位。最常感染到此病毒的地方是濕滑的公眾地方，例如游泳池、健身室等。免疫力較差的人都會較易被疣的病毒感染。 疣分為幾種：普通疣 (Common Wart)、足底疣 (Plantar Wart) 同扁平疣 (Flat Wart)。普通疣多數係手部生長，表面粗糙，可以一粒或多粒形式生長。足底疣多數係腳板生長，其表面粗糙且凹凸不平。人在站立時會令疣受壓，引起痛楚，同時令疣內的血管硬化，形成小黑點，而小黑點係由栓塞的微血管形成，這點係主要用泥分辨雞眼 (Corn) 同足底疣的特徵。雞眼只係腳底長期被磨擦、擠壓而變厚變硬的粒塊，沒有病毒感染。扁平疣扁小平滑、微微凸起，呈肉色或咖啡色，未必太易察覺或會被誤為油脂粒，多數出現係臉、頸，最常見於小孩。 疣本身唔會危害健康，抵抗力較好的人可以自己好返，不過多數要幾個月甚至幾年先會好哂。較嚴重的疣可以冷凍、二氧化碳激光、刮除法等方法處理。用低濃度的水楊酸 (Salicylic Acid) 搽係患處都有助消除疣。除左以上提及過的方法之外，茶樹油 (Tea tree oil) 同高濃度 (12%或15%) 的甘醇酸 (Glycolic acid) 乳液都有殺菌消毒的作用。而一些營養補充劑都可幫手，好似離氨酸 (Lysine)、鋅(Zinc)、大蒜 (Garlic)、西柚子精華 (Grapefruit seed extract)、橄欖葉 (Olive leaf) 等等都係天然的殺菌同增強抵抗力的好幫手。 西柚子精華仲有液體狀，可用於清洗患處作殺菌消毒之用。乳酸菌除左可促進腸臟蠕動，仲可以補充腸道內有益的細菌以增強抵抗力。 其實要預防患上疣並唔難，只要係公眾浴室、更衣室及泳池範圍穿著拖鞋，避免赤腳走動。唔好同人共用刮刀、毛巾及鞋襪。有傷口就要用膠布包好患處，以免受疣病毒感染，同埋保持良好的免疫力功能，自然無咁易比疣病毒入侵啦！以上提過的營養補充劑，HealthQuest 也有同類產品，歡迎大家向我們查詢！