「冇記性」，有冇得救呀?

「冇記性」，有冇得救呀?

最近多咗客人問我，話自己冇記性有冇營養補充劑可以幫到手，我通常第一樣會問客人「你有冇食緊任何西藥？」，因為某一些含西藥成份的藥物會影響記性，如一些幫助睡眠的藥物eg.安眠藥、精神科藥物等… 冇記性已經成為好多人的通病，唔單止係因為年紀大令腦部退化，令人轉數減慢，就連年輕一族都因為生活節奏緊張、壓力大和缺乏休息引致腦部過勞而越來越“大頭蝦”。 在日常生活中，大家都會偏向用左腦而少用右腦，因而未能發揮大腦的最大潛能。大家應該多用右腦發展藝術、創意和運動，間中發白日夢亦有助鍛煉右腦。另外，集中力不足都是記憶變差的原因之一，令短期發生的事不能變成長期的記憶，所以要多做腦部運動，好似閒時打麻雀、下棋和玩數獨遊戲都可以增進記憶。少食高糖食物都好重要，因為身體累積太多糖份會令自由基數目增加，破壞身體的細胞，而且會令流到腦部的血液量減少，因而降低記憶力。 在食物方面，好似黃豆、豆腐、豆漿及雞蛋中所含的卵磷脂(lecithin)是構成大腦細胞的重要成份，內含的膽鹼(Phosphatidyl Choline)是腦細胞傳遞訊息的重要物質。吸收足夠的卵磷脂可以提高神經細胞的功能，有利訊息傳遞，可提升學習及記憶力。Phosphatidylserine(簡稱:PS)也是磷脂的一種，主要集中在大腦，是神經細胞膜的主要成份，有利增加神經細胞膜的流動性。不少研究指出PS有助預防老人癡呆症或減慢老人癡呆症的惡化，效力比Phosphatidyl choline強，相對價錢亦比較貴。銀杏葉可以增加腦部的血流量，促進腦部血液循環，有助促進記憶，維持腦部和神經系統的正常運作。除左由食物中吸收，市面上亦都有卵磷脂、PS同銀杏葉的營養補充劑買。 維他命B1同維他命B12都有助改善記憶力，B1同B12能夠維持神經組織的正常活動，增進集中力和記憶力。大腦在記憶同背誦時都會消耗較多的維他命C，所以吸收足夠的維他命C有助保持頭腦清晰。好似亞麻子油同魚油內含的omega-3脂肪酸都有助補腦。 最後，當然唔少得要早睡早起，令腦部得到充分的休息同多做運動，自然可以唔再做“大頭蝦”啦！以上所提及過的營養補充劑，HealthQuest 也有同類產品，歡迎大家向我們的營養顧問查詢！