便秘: 七個人總有一個有困擾

香港衛生署2014年調查顯示，香港7個成年人當中就有1個人有便秘，非常普遍，你有無呢方面的困擾? 定係你根本唔知自己有便秘?

便秘是什麼?

無論係大人或小孩，正常係1-2日排便一次或以上的; 但如果超過2日都未排出黎，咁已經係「便秘」啦!!! 另一方面，排便不順暢、大便太乾太硬、大便量太少等等只係屬於「不健康的排便狀況」，如果排便的次數正常，都唔算係便秘架!

為什麼會有便秘呢? 

最常見的成因係不均衡的飲食習慣，例如水份不足、纖維不足、好油份不足、消化不良等。除此之外，仲有以下的其他因素:

1. 年齡增加
2. 缺少運動或經常卧床
3. 緊張繁忙、壓力大、睡眠不足
4. 抑壓便意
5. 生活習慣產生變化，例如假期或外遊
6. 荷爾蒙產生變化，如來經前、懷孕、更年期 
7. 長期依賴瀉藥
8. 服用某些藥物包括制酸劑、強效止痛藥（如嗎啡)、抗抑鬱藥、血壓藥
9. 服用鐵質或鈣質補充劑
10. 部分疾病引致，如多發性硬化症(Multiple Sclerosis)、甲狀腺素過低(Hypothyroidism)、痔瘡(Hemorrhoids)、柏金遜症(Parkinson’s)、腸易激綜合症(Irritable Bowel Syndrome)、糖尿病神經病變(diabetic neuropathy)等

雖然便秘唔係一種病，而係一種身體表現出黎的信號，話你知有D野要注意返。如果唔理呢個「信號」的話，後果可大可小，輕則導致大肚腩、後背痛、頭痛、容易攰、無胃口、口臭、出痘痘粉刺、面色發黃，嚴重可能引發痔瘡、大腸癌或其他慢性疾病，所以一定要搵出便秘的成因，及早改善便秘情況。

HealthQuest將會分享更多關於便秘的資訊俾大家，請密切留意我地黎緊的文章和短片啦! 由於每個人的情況都有唔同，所以在飲食上及營養補充品上的配合也會有分別，如果想了解自己的情況，歡迎隨時向HealthQuest的Nutritionist/Health specialist或茅博士查詢。

參考資料:

Torkos,S. (2008). Hepatitis (Viral). In TheCanadian Encyclopedia of Natural Medicine, p. 265-269. Ontario:John Wiley & Sons Canada.

Krinsky,D. et al. (2003). Naturaltherapeutics pocket guide (2nded.). Hudson, Ohio: Lexi-Comp.

http://www.chp.gov.hk/files/pdf/ncd_watch_mar2014_chin.pdf

http://www.webmd.com/digestive-disorders/digestive-diseases-constipation

茅菁華博士, 2010,讓孩子健康的整全生活, p.195-203. 香港: 皇冠.

李馥, 2014, 史上最有感的排便力. 台灣:和平國際.

乳酸菌有助自閉症?

                                                                       

現在越來越多的證據顯示，腸道的菌種會令自閉症的症狀惡化，或者可能會引起一D自閉症的症狀。 雖然自閉症系屬於腦部的疾病，但研究發現，10個有自閉症的人當中，有9個會同時出現腸胃道的問題，例如炎性腸病 (Irritable Bowel Disease)和腸漏 ("Leaky Gut")。 腸漏會令一些未完全消化的食物進入血液。科學家一直都好想知道，究竟係咪自閉嘅人腸道有異常的菌種，以致出現呢D自閉的症狀。 最近大批的研究都支持以上的觀點，亦認為恢復正常的菌種會有助改善自閉症行為方面的症狀。

意大利的一項研究發現，患有自閉症的小朋友腸道的菌群同健康的小朋友有差異，自閉症的小朋友腸內的一群的益菌(Bididobacterium)的數目更少。 究竟菌群上的差異是令自閉的情況更差，還是呢個差異只是自閉症引致的結果呢?  2013年的一項動物研究就發現給一種益菌Bacteroides fragilis給有自閉症狀的老鼠服用，可以有助改善呢D老鼠的一D行為，例如變得無甘憂慮，少左一D刻板的行為，以及變得更多言語上的交流。

雖然研究人員仍未清楚知道腸內的益菌係如何影響行為的改變，但有一個假設認為: 腸漏令一D物質流入血液，去到大腦，影響大腦。 而在老鼠的實驗中，呢D益生菌會平衡番好壞菌的數目，令腸道更加強健，減少腸漏的情況。

自閉症的情況是有遺傳，也有環境因素，治療上亦要在飲食上配合，有的甚至需要用到藥物。 現時，對於腸內菌群菌種的情況，係咪真係影響自閉症，或者乳酸菌係咪真係作為治療的方法，仍然需要更多的研究和證據去確認。  但是，現實治療中，乳酸菌亦會常被用到。 原因係自閉的人腸內有異常的菌群，而且容易出現腸漏的情況，服用乳酸菌有助維持腸內有正常的菌群。

通常用來治療自閉症的乳酸菌都含有由於我們人體腸內也有Lactobacillus acidophilus, Lactobacillus bulgaricus, 和不同種類的Bifidobacterium等。 而大部分呢d乳酸菌品種都係人體本身有嘅。 HealthQuest Multi Acidophilus的配方亦有上述的有益菌種，適合3個月以上的小朋友服用。 每個人嘅情況都有所不同，在飲食上及營養補充劑上的配合也會有分別，如果想了解自己嘅情況可以點做，歡迎隨時向HealthQuest的nutritionists/health specialists或茅博士查詢。

參考資料:

1. Scientific American Mind, Gut Bacteria Play A Role, Volume 25, Issue 5, p 21

2. Integrative Medicine, Autism Spectrum Disorder, Chap 7, p 61

尋找「骨質密度低」的故事

問﹕我為左預防腸胃問題，已經停食奶類製品，但我每日仍有從沙律菜同埋多種維他命片去吸取鈣質。但係…醫生check到我的骨質密度過低，點解會咁呢？ 答﹕無錯，你的骨質密度過低係因為吸收唔夠鈣﹗唔講唔知，原來有d蔬菜或豆類裡面有較高的草酸(oxalic acid)，佢會痴住食物中的礦物質，阻礙我地吸收。即係話，我地真正只能夠從蔬果中攝取到本身鈣質含量的10%咋。另外，大部分的多種維他命片最多最多只有100 mg鈣質，相對來說只係每日建議份量的10%咋﹗﹗加上好多飲食習慣會令骨骼裡的鈣質流失。 對策一﹕好簡單，補鈣﹗ 鈣質唔單只維持骨骼同牙齒的密度架，亦都有助神經、內分泌、免疫、消化、循環等系統的運作。因為人體唔可以自己生成鈣質，所以我地一生都要持續「補鈣」，包括嬰孩、青春期、懷孕、或者更年期之後。如果鈣質流失多過吸收，可能會引致骨質疏鬆、骨折、發育緩慢…而一般成人每日建議攝取量為1000mg，最好一半從食物攝取，另一半從鈣片/鈣水攝取。

 鈣質每日建議攝取量(RDA) 年齡 男 女 1歲以下 200-260 mg 200-260 mg 1-3歲 700 mg 700 mg 4-8歲 1000 mg 1000 mg 9-18歲 1300 mg 1300 mg 19-50歲 1000 mg 1000 mg 51-70歲 1000 mg 1200 mg 70歲以上 1200 mg 1200 mg 來源﹕食品及營養委員會(FNB) 


食物中含鈣質最多係牛奶，不過…大多數的牛奶和奶製品含有生長激素，而且容易引起炎症，加上普遍亞洲人都有乳糖不耐症(Lactose intolerance)，腸道未必抵受到同消化到。既然係咁，大家不仿從非奶類的高鈣食物入手，高鈣青菜豆類包括莧菜、芥蘭、白菜、西蘭花、花椰菜、大豆、杏仁、豆腐﹔高鈣飲品包括豆漿、加鈣果汁﹔高鈣肉類包括小魚干、罐頭沙甸魚、三文魚魚骨，但要注意鹽分。

另一半可以從鈣補充品攝取，建議選購加左維他命D和鎂(Magnesium)的配方，因為身體需要維他命D才能吸收鈣，而鎂質輔助鈣質的代謝然後進入血液中。鉀(Potassium)、錳(Manganese)、鋅(Zinc)都有參與骨骼的新陳代謝，維持骨質密度和發展。

除此之外，維他命K幫助運送鈣入骨骼細胞，增加骨骼中鈣的含量，減少骨質流失。維他命C就幫助形成膠原蛋白，有助骨骼健康，亦可促進腸道對鈣質的吸收。

對策二﹕避免不必要的鈣流失
吸煙、酗酒、過量飲咖啡、常飲汽水或梳打水、多食甜味或重口味食物，都係加速鈣質流失的幫兇，可能會阻礙鈣質吸收，或者促使身體排走鈣質。 為免鈣質的流失仲快過補充，特別係30歲以上的，要在飲食上有節制﹗ 

另外，適量運動能刺激骨骼吸收鈣質，增加骨質密度，負重運動更可強化骨骼，減少骨折機會。如果戶外運動會更好，皮膚可以曬下太陽，自己合成出維他命D，有助鈣質吸收。

 對策三﹕處理埋腸道問題
有D人對奶類的消化能力比較弱，但如果一定要飲牛奶或奶製品來攝取鈣質，可以借助乳酸菌和Lactaid的幫助。乳酸菌屬於”Probiotics”類，幫助平衡腸道內有益細菌，改善消化能力，對腸胃問題如胃脹、胃氣等有幫Lactaid的成份有乳糖酶，滴落奶類或奶製品度，可以將難消化的乳糖轉化成易消化的形態，以預防胃脹、胃氣、肚瀉。 


由於每個人的情況都有唔同,所以在飲食上及營養補充品上的配合也會有分別,以上提過的只係建議,如果想了解自己的情況,歡迎隨時向HealthQuest的Nutritionist/Health Specialists或茅博士查詢。 

參考資料﹕
茅菁華博士,《讓孩子健康的整全生活》, p.94-99
雲無心, 《舌尖上的謠言粉碎機：教你識破現代食品的騙術，確保吃得安心與健康》, p.154-157 食品及營養委員會(FNB), http://ods.od.nih.gov/factsheets/Calcium-HealthProfessional/#h2
康健雜誌, http://www.commonhealth.com.tw/article/article.action?nid=66833
“醫健﹕咖啡因搞到骨質疏鬆”, 東方日報, 30/6/2013

每日減一磅，１４日溶走米芝連式腩肉

減肥新知 美國艾美獎-最佳脫口秀-TheDoctors主持人 Travis Stork M.D.的超級溶腩法 每日減一磅，１４日溶走米芝連式腩肉 來源: First For Woman July14, 2014 作者: Dr. Travis Stork

蛋白質是減重的捷徑?! 過去幾十年的研究都紛紛指出蛋白質具有神奇減肥的效果，營養教育及行為期刊（Journal of NutritionEducation and Behavior)一篇報導指出透過攝取蛋白質，有43%女士有效成功減重。 既然甘多醫生、營養師都異口同聲甘話蛋白質是減重的捷徑，Dr.Stork就重申：「醫學院建議每日蛋白質攝取上限為百分之３５，所以唔好超出呢個百分比呀，而蛋白質點可以令新陳代謝提升，秘訣就係平衡!」 太多蛋白質會出問題? Dr. Stork承認蛋白質是一個不可思議的體重控制工具。氨基酸組成的蛋白質是生命之本，同時係肌肉的原主要材料，而肌肉正是卡路里的焚化爐，加上，佢可以穩定血糖，預防身體製造儲存脂肪的荷爾蒙，同時，佢控制住身體分泌食慾荷爾蒙，所以蛋白質對於持續減重或者體重控制都好緊要。 但呢個人所共知，全球熱捧的「越多越好蛋白質」的概念究竟係咪真架呢？其實太多蛋白質有本末倒置的效果，Dr. Stork 提出一般高蛋白既質餐單，都會傾向少蔬果、五穀等呢d令身體保持健康、活力的元素。 高蛋白質令人變蠢?! 美國塔夫斯大學(Tufts University)的科學家發現，食超級多蛋白質餐單的女士，只需一星期，就會出現記憶力衰退，心智運作遲緩、易病、易累等症狀，最慘係，雖然減到幾磅，但塊面同全身都會明顯變得浮腫。 究竟點食先有效減肥而又唔變蠢呢? Dr. Stork揭示出一個減肥完美方程式，可以重新啟動日漸減慢的新陳代謝，幫助溶走脂肪，而又唔會有任何副作用。同時係達到完美體重前，唔會出現任何令你放棄的因素，例如感到沮喪、脾氣暴躁、疲倦等等。 什麼是減肥的完美方程式? Dr. Stork指出，完美方程式的關鍵係30%的蛋白質配合好多高纖的蔬果及五穀，甘就可以提昇整體效果，既穩定情緒又增加55%燃脂率，仲集中消腩。一個西班牙的研究指出，以上餐單可以令女士真正減到肥，意思係減走的磅數中有84%是真既脂肪，而唔係水份，肌肉等。

極速減肥，效果不單只得減肥!! 如果你同任何一個用「減肥的完美方程式」的人傾過計，佢地都會同你講，我變簡直係打破左舊有對減肥的概念。呢個簡直係一個令人類生活質素提昇的方法!而且試過的人都反唔到轉頭，因為完美方程式真係會「送你一對翼」。 「送你一對翼」的完美減肥方程式大解構! 跟據美國膳食參考指數(RDI)建議，每日蛋白質的最高攝取量為35%，所以Dr. Stork呢條30%蛋白質配好多高纖的蔬果及五穀的「完美減肥方程式」，應該是重伸「均衡飲食令身體健康」呢句話先真! 百分之三十的蛋白質有幾多 ?以18至49的女士來講每日需要大約2300卡路里，根據方程式，當中要有690卡路里（等於172.5克）係由蛋白質提供的，一隻大雞蛋有6.2克，換句話講等於每日要食27隻。 1 安士(大約一隻麻雀)豬肉(大里肌) 提供5.6克，即等於每日要食30安士。如果分三餐，即早午晚餐各食3塊約手掌心甘大的豬扒。 係! 其實真係會好飽架! 食唔到甘多果一日，其實可以用一D補充品幫補下。

如果你對奶、蛋、小麥製品有敏感的話，Kirkman的Amino Support Powder 是一個好的選擇，每日兩茶匙，輕鬆幫你達標，另一方面，L-Arginine及L-Lysine同L-Glutamine呢三種都可以幫身體燃燒脂肪，造瘦肌肉。 食太多飽飽滯滯、消化不良?Apple Cider Vinegar加Multi-Acidoplius 呢個腸道清潔組合可以幫助身體排出毒素，又幫消化，減少飽飽滯滯。同時，蘋果醋可提高新陳代謝可加快修身! 蛋白質配高纖蔬果才是成功之匙，但出街食怕地溝油，又無時間餐餐煮、隔夜菜又怕有毒? 甘可以選擇每餐食一份含多種維他命同礦物質的Greens或Forti-Flax。 高蛋白質餐單適合你嗎? 每個人身體狀況都唔同，想知道呢個餐單適唔適合你?補健品的用法? 立即同我地各分店的營養師預約做免費咨詢啦! References Institute of Medicine (IOM), DietaryReference Intakes for Energy, erence and Carbohydrate, Fiber, Fat, Fatty Acids,Cholesterol, Protein, and Amino Acids. http://www.nal.usda.gov/fnic/DRI/DRI_Energy/energy_full_report.pdf Department of Health, Calories and Energy http://www.change4health.gov.hk/en/healthy_diet/facts/calories_nutrients/calories_energy/index.html National Nutrient Database for StandardReference Release 27, Basic Report:01123, Egg, whole, raw, fresh http://ndb.nal.usda.gov/ndb/foods/show/112?fg=&man=&lfacet=&format=Abridged&count=&max=25&offset=&sort=&qlookup=egg National Nutrient Database for StandardReference Release 27, Basic Report: 10020, Pork, fresh, loin, whole, separable lean and fat, raw http://ndb.nal.usda.gov/ndb/foods/show/2534?fg=&man=&lfacet=&format=Abridged&count=&max=25&offset=&sort=&qlookup=pork+raw First For Woman, Dr. Travis Stork’s Belly Fat Cure Lose 14LBs in 14 days, July 14, 2014

HealthQuest Combo

https://www.facebook.com/healthquesthk/photos/a.432654973435504.102278.151642958203375/879577918743205/?type=1&theater

Seasonal Gift Sets

Relocation Notice搬遷通告

捱夜後的健康補救方法

捱夜後的健康補救方法

捱夜睇波、煲劇、打機、上網、溫書都算係香港人的習慣之一，但捱夜會傷身引致眼乾、喉痛、生飛滋、牙肉腫、口氣、便秘，甚至頭痛、容易病、腦力下降、失眠等等的“捱夜後遺症”!! 所以今期我同大家分享一些補救的方法，幫大家盡快回復正常生活啦。

點為之捱夜??

“半夜三更”都唔瞓就為捱夜喇，幾時係“半夜三更”? 就係夜晚十一點至零晨一點呢段身體修復的黃金時段喇，所以如果你十一點仲未熟睡，你就算是捱緊夜喇!

捱夜令身體上火出現「熱氣」??

係營養學既角度睇「熱氣」就等於「發炎」，即是身體某些部位出現了紅、腫、痛既炎性反應，加上捱夜會令免疫力好似坐升降機甘，向下直降，令身體更易受細菌及病毒攻擊，所以就會引起連串的捱夜後遺症喇!

而係中醫學的角度睇，日屬陽，夜屬陰，捱夜會令陰陽失調以及損耗陰津。什麼是陰津呢? 陰津就等於身體內的所有既液體，功能上有滋養、潤燥同造血的功能，亦有調整人體陰陽、氣血以及新陳代謝的功能! 所以若然陰津受損，就會出現唔同程度的陰虛內熱現象的「虛火」喇!

而當「虛火」燒到身體某一位置就會出現例如上文提及的症狀喇!

消除「熱氣」的飲食宜忌

a.宜食

可以多食滋陰的食物，如牛奶、豬肉、鴨肉、花膠、海參、淮山、西洋菜、蓮藕、馬蹄、雪梨、甘蔗、茅根、花旗參等。

b.忌食

1.  煎炸(如薯片、蝦條、公仔麵，天婦羅…)

2.    辛辣食物（如辣椒醬、咖喱、Wasabi…）

3.    熱氣食物(如火鍋、燒烤及烘焙食物（如餅乾、曲奇、蛋撻、薄餅…）

4.    熱性食物(例如加啡、朱古力、牛肉、鵝肉、羊肉、雞肉、鱔魚、薑、蔥、洋蔥、蒜頭、蔥頭、大蒜、辣椒、芝麻、榴槤、韭菜、荔枝、龍眼…)

捱夜後遺症逐個捉

1.眼乾澀

 熬夜看電視、上網會令眼睛乾澀，應多食含有維他命A的食物，因為可以保持眼睛濕潤，含豐富維他命A的食物包括有魚肝油、肝臟、蛋、深綠色及深黃色蔬菜、紅蘿蔔、紅色燈籠椒、蕃茄、紅心蕃薯、水果方面有木瓜、芒果、皺皮瓜……

不過要如果有敏感要戒口或者是須要控制體重的話，Lutein，或含有前花青素的Billary, Bluberry及Grape Seed Extract都是一個好選擇。

3. 咽乾、唇乾燥、口臭、便秘

熬夜令身體出現「虛火」，若熬夜加上食薯片、花生等煎炸食物，火上加火就等於「炎」，發炎會加速消耗體內的水份，所以捱夜之後就常見咽喉乾、唇燥喇，所以嚴重甚至會喉嚨痛、嘴唇乾裂、腸胃炎等症狀。

口氣方面，由於夜晚我地的消化系統都要停工同休息，若捱夜會消化功能失調，從而令消化不良、腸胃不適，令便便乾結甚至便秘，另一方面，當食物係腸胃儲存得太耐，細菌滋生就會形成口臭喇。

如果已經出現咽乾、唇燥、口臭、便秘，一定一定要多飲水，補救方面當然係要好好地調整腸胃喇! 除了纖維、水份之外，油份都好重要，唔好因為怕肥，而完全戒曬油類的野食呀，因為油份可以潤滑腸道以通大便。可以每日食10ml亞麻籽油，因含有豐富的奧米加三可以潤腸通便的之外，仲可以有抗炎消腫的功能。同時，每日4粒Multi-Acidophilus幫助調整腸胃，排出毒素。再加一杯奇異籽( Chia Seed)蜜糖水，潤腸通便之外，奇異籽的水溶性纖維更可抑制食欲、控制體重、吸走廢物，奧米加三更有保護心臟、補腦補眼的功效。

5.    腦力下降

睡眠是腦細胞儲存記憶同更新的必須條件，可以恢復腦力及體力。若然係短期的睡眠不足，第二日就會發現體力及腦力都會有下降，嚴重時更會出現頭暈、作嘔等的現象，長期捱夜、休息不足，令人集中力同記憶力衰退，人都變得蠢D。

休息不足引致的記憶力衰退，補救方法當然是休息番啦，如果是想提昇記憶力同專注力，銀杏葉、DHA、Phosphatidyl Serine都會幫到你。

長期熬夜會令人容易緊張、焦慮同記憶力下降等，呢個時候要多食含維他命 B的食物，維B可增加腦部的血液循環，可以燃燒澱粉幫身體製造能量，亦可保護神經組織細胞有安神作用，同時亦可降低焦慮同緊張。食物來源方面有瘦肉、雞肉、豆類(如紅豆、綠豆、紅腰豆等)、穀類(全麥包、麥片等)，但一般來講水溶性維B食物含量偏低，加上容易流失，所以可以每早服一粒50mg維他命 B 雜。

5.          易作病又失眠

很多人都誤以為通宵一晚，只要瞓反一整日就可以還到筆睡眠債，但事實係唔得架! 因為夜晚係身體器官、系統做修復及排毒的黃金時間，所以唔瞓就會削弱其功能，影響身體健康。就例如免疫系統甘，我地瞓覺的時間，就係幫佢重新汐叉電的時間，一但有睡眠債，免疫系統唔夠力，甘就會容易患傷風、感冒喇!

捱夜、反夜更、去有時差的外地玩或工幹都會引致生理時鐘錯亂，徒從而引致失眠，包括難入睡、淺睡、早醒等等，補救方法可以臨睡前一小時服一粒退黑色素(Melatonin)，佢除左是可以立即調整睡眠周期同改善質素之外，同時都係一個超強抗氧化劑，加上佢係組成免疫系統、殺手細胞的主要成份，所以可以維持身體健康!流感高峰期都無甘易中招架! !

如果想提神同提升體力，可加每日一粒Vita-Health，當中由橙抽取的維他命 C 是支援免疫細胞的後盾，可增加抵抗力，當中的生物類黃酮素可以抗敏，同時有助加強眼晴的靜脈循環，趕走捱夜引致的黑眼圈。含豐富維他命 C的食物有奇異果、橙、西柚等等……

身體的生理時鐘會指引我地的作息，當違反規律時免疫力、腦力當然會有受損，呢個時侯都想保持戰鬥力? 就要及時正視及處理捱夜後遺症喇!

無兩個人係一樣的，想知道多D保健品的用法，歡迎親身向我地HealthQuest的藥劑師、營養師及Health Specialists查詢。

References:

李廣冀中醫師 2014 捱夜睇波的解救方案

http://www.educationpost.com.hk/zh-hk/resources/healthcare/140528-blogger-solution-for-watching-world-cup-overnight

羅頌慧，吳奕興 2008擊退都市病 - 中醫防治保健法

http://books.google.com.hk/books?id=0aqxAAAAQBAJ&printsec=frontcover&dq=%E4%B8%AD%E9%86%AB&hl=zh-TW&sa=X&ei=euS0U8OYIMHp8AWJ3YKACw&redir_esc=y#v=onepage&q=%E4%B8%AD%E9%86%AB&f=false

長庚紀念醫院 2008 飲食性味表

https://www1.cgmh.org.tw/healthytpe/new_1_52.html

Peter Lavelle 2009 Insomnia and your immune system

http://www.abc.net.au/health/thepulse/stories/2009/02/26/2489548.html

潮熱無有怕﹗夏天繼續散發自信魅力﹗

June 2014

「近呢年開始，我時不時都周身熱，冬天還可以，夏天最辛苦，塊面好熱好脹，好唔舒服，不過每次維持5分鐘左右又涼番，而且夜晚訓覺會流好多汗，容易紮醒，搞到心情好煩躁﹗」以上係46歲Cogia(化名)的心聲。

其實，Cogia呢個狀況稱為「潮熱」(hot flashes)，係女性在更年期最常見的徵狀之一。由於女性荷爾蒙分泌失調，即係雌激素(estrogens)水平下降，影響下丘腦(hypothalamus)體溫調節機制，錯誤感應身體好熱，為左身體散熱，繼而令到表皮血管擴張，造成潮熱和出汗。

40-60歲女性中75%有潮熱不適，程度和頻率都係因人而異。潮熱出現時，面部會發熱發紅，之後好似一陣陣的熱浪湧向頸部、心口、全身，通常每次30秒至5分鐘不等，有些人會熱到出汗、心跳加速。潮熱症狀可以一日之內出現幾次，甚至每個鐘都出現，規律好難掌握，不但令人尷尬，而且令人忟憎，無心情做家務和返工，連行街的興趣都大減﹔潮熱在夜晚睡覺時出現得比較頻密，影響睡眠質素，甚至失眠，非常之牽動情緒，容易煩躁不安。

潮熱女性當中有70%持續兩年徵狀就漸漸消失﹔有些人則持續幾個月或幾年先至消失，因人而異。雖然潮熱無得預防，不過Cogia從飲食營養和生活習慣入手之後，潮熱出現得少左，而且無之前咁唔舒服，成個人開心返晒﹗

每次潮熱開始時，先飲一杯涼水，深深吸氣、呼氣，放鬆身體，再想像自己身處一個好涼爽的地方，心靜自然涼。最最最緊要Cogia每日都有飲足夠水(6至8杯)，可幫助降溫架﹗

飲食營養

中醫角度睇，潮熱由於陰虛火旺，所以滋陰降火的食物最好喇﹗經常適量食深綠色蔬菜和清涼多汁的水果，好似西瓜、水梨、橙、蘆柑、蘋果、柿子，有豐富的維他命和礦物質，高纖維，幫助增強抵抗力，又可以減輕潮熱的程度和頻率。

除此之外，Cogia都會自己沖泡保健茶，舒緩心煩內熱﹕將枸杞、百合、金銀花放入熱開水沖泡約10-20分鐘就可以飲架啦。

夏天有潮熱已經好辛苦，如果再食熱底或熱氣食物，就會熱上加熱，令潮熱出現得更加頻密架！所以一定要戒口，好似辛辣、酒精、刺激食物、火鍋、BBQ、煎炸野、微波爐食物、補身藥、熱飲、含咖啡因飲品 (例如咖啡、奶茶)。

因為牛肉、雞肉、牛奶製品都含有生長激素，食左之後好可能會擾亂體內荷爾蒙的平衡，所以Cogia連至愛的芝士都決心唔食住，不過之後少左潮熱都係值得架﹗肉類多數揀魚肉或豬肉，又或者食大豆製食物黎攝取蛋白質，例如豆腐、豆漿、豆奶，因為大豆所含的大豆異黃酮(Soy isoflavones)係植物性雌激素，結構同女性荷爾蒙相似，可幫助平衡女性荷爾蒙，減輕潮熱問題。

如果想睡得好些，睡前4個鐘，盡量唔好食糖果、雪糕、甜品、汽水、餅乾、薯片、即食麵等精製碳水化合物，因為會令血糖時高時低，難以入睡。

生活習慣

保持屋企室內空氣流通，吹下風扇和冷氣都有幫助架﹔出街盡量行通爽或有冷氣地方，避免人多擠迫。

今個夏天流行著雪紡質料衫，有潮熱的你，可以買返幾件，平日著薄身、透氣衫，寧願著多幾件薄身好過一件厚身，因為潮熱時可隨時除掉，亦都唔好著太貼身的衫褲、leggings、絲襪之類。睡覺時，最好著棉質睡衣，以提高吸汗作用。

Cogia得閒會去暢泳、緩步跑、做下健身操。適當的運動，可以減輕潮熱的症狀，仲舒緩到壓力，不過唔好太劇烈喎﹗保持心境開朗樂觀，約會三五知己扮靚傾計，同屋企人一齊睇下電視劇，都會幫到減輕症狀架﹗

如果想知有咩營養補充品幫到手，可以睇返之前的一篇文章【女士應如何選服Vitex、Soy Isoflavone 和Black Cohosh?】﹔又如果想了解自己的情況，歡迎隨時向HealthQuest的nutritionists/health specialists或茅博士查詢。

五招秘笈 同包包面、泡泡眼、「水腫型」肥胖講Bye bye~(上)

做OL的Rosie話每朝起身都會眼腫面腫，夜晚又會腳腫，最明顯是下半身，鞋同褲一早就好鬆動，到收工就自動變緊身!

「唉呀~水腫好難攪呀! 仲有兩星期，就要同男朋友去沙巴陽光海灘喇，希望到時可以著番Bikini! 有咩方法幫到我呀?」

經過我地營養師詢問過後，發現Rosie有三個致命傷，包括

1.餐飲偏向過甜或過鹹

2.日坐夜坐唔願喐

3.月經前兩星期開始，水腫會更明顯

身體的循環系統，可分兩種，包括為血液及淋巴循環，一般非病態的水腫，係身體代謝唔切細胞外面的組織液而形成的! Rosie的個案在排除因疾病引致水腫的前提下，其實同大部份人一樣，只要改變一下生活同飲食習慣、調理下身子，日子有功就可以改善某程度上既水腫啦! 但如果想快排水、快袪腫? 著番Bikini唔使愁? 著衫唔使遮遮掩掩? 另外三招秘笈你今日一定要學喇!!

秘笈一: 祛水腫關鍵! 大忌重口味!

重口味係指進食過甜或過鹹的食物。Rosie 尤其喜愛食杏甫乾、杯麵、Pizza!

甜的食物相信大家都不難分辨!但好多人都唔知，其實鹽份等於“鈉”，而“鈉”是無處不再的!

天然的食物(牛奶、魚類、蔬菜)，所有醃製的、預先包裝的食物同醬汁(因為用來防腐的硝酸鈉及調味的味精(氨酸鈉)都是鹽)

統統都是重口味的頭號嫌疑犯!!大家要時刻提高警覺!食之前睇營養標籤! 而家政府都推出一個手機Apps幫大家計下數、比較下架，有興趣可以下載番“營計寶”!

重口味的解藥-水

最基本每日要飲8杯! 講到呢度一定有人會話:「我已經水腫，仲飲水咪仲更加腫?」梗係唔係啦!!! 事實係當身體有太多鈉或者糖粉的時候，身體會好想沖淡佢，所以儲更加更加多水份， 從而形成水腫! 所以要袪水就一定起碼要飲到8 杯清水!而且要係晚餐前飲曬呵！

排水食療：檸檬薏米水

材料:生熟薏米半碗，檸檬 1 個，水1升

做法:薏米洗淨後浸2小時，水滾後加入薏米，用大火煮滾後轉小火煮 1小時，放涼後，加兩片檸檬片就可以喇!

(注意孕婦、行經期間不宜食用)

秘笈二:袪水運動輕鬆做

Rosie坐足成日，長期唔郁，會令身體靜脈的血液循環不良。建議佢反工時，每隔一個鐘就做兩組伸展運動。強化血液循環! 一次過塑造修長、好氣色美腿!

方法: 坐在椅上，左腳向前伸直，保持水平狀態，腳踝關節向自己屈及伸直各5次每次停留5秒，右腳如是。

另外，如果Rosie可以乘乖地飲夠水，建議佢換一個100ml的細杯，增加行去裝水的次數，行多D血液循環都好D!

同時，建議每晚餐後抽45分鐘散下步，但Rosie話:「食飽飯已經好夜，成10點鍾，加上我住果度附近無公園，條街又好多車，落街做運動等於吸塵!!」，「 之前Join過健身架，但成日懶得過去，結果蝕曬!」

計我話，其實可以買部可摺合的迷你跑步機，甘就可以“零藉口”隨時做運動啦!!我每晚都係屋企，一邊睇住 “Mclub”一邊散步架! 我知道市面上有隻叫“部屋跑步機”既迷你又有測心跳的功能，價錢大約4千幾，都OK架!

秘笈三: 天然袪水的營養劑補充品

1.  飲食不均、節食、減肥人士要注意!

營養不良是水腫的其中一個原因，建議經常外食的Rosie每早一粒50mg維他命B雜及400mg礦物質-鎂。

2.       小心久企久坐循環差!

-七葉樹(Hoarse Chestnut)係一隻溫和的利尿劑，當中的“七葉皂甙(Aescin)”可以改善毛細血管的通透性，幫助體內的水循環。

-蒲公英葉(Dandelion leaves )係一隻強效利尿劑，係好耐以前，土着美国人就用佢來祛水以及治療肝臟及皮膚問題架喇! 由於是一種強力的利尿劑，為免因「屙夜尿」而干擾睡眠，建議每早食服500mg。

3.  月經前7至14日, 水腫更明顯??
雌激素水平的波動太大，會令體內電解質失去平衡，細胞液走到細胞以外的空間，從而出現水腫、胸脹、頭痛等等的生理問題。

建議1. 服用三個月每日3000mg的月見草油，同時服10ml亞麻籽油效果更加好!可以同時滋養皮膚、指甲同頭髮!

建議2. 或者每日400iu維他命E， 及120mg的銀杏精華。

炎炎夏日來臨，各位姊妹想盡情穿熱褲、背心、Bikini同陽光遊戲?

做齊五招秘笈，想回復緊緻的靚靚身段? 話都無甘易啦!!

今日分享到呢度，下個月再同大家分享秘笈四“按對排水穴，重現瓜子面”， 秘笈五“芳香療法，回復纖腿”! 請繼續留意六月份的HealthQuest健康資訊啦!!!