2014年12月26日 星期五
HealthQuest Combo
https://www.facebook.com/healthquesthk/photos/a.432654973435504.102278.151642958203375/879577918743205/?type=1&theater
2014年11月22日 星期六
2014年9月4日 星期四
捱夜後的健康補救方法
捱夜後的健康補救方法
捱夜睇波、煲劇、打機、上網、溫書都算係香港人的習慣之一，但捱夜會傷身引致眼乾、喉痛、生飛滋、牙肉腫、口氣、便秘，甚至頭痛、容易病、腦力下降、失眠等等的“捱夜後遺症”!! 所以今期我同大家分享一些補救的方法，幫大家盡快回復正常生活啦。
點為之捱夜??
“半夜三更”都唔瞓就為捱夜喇，幾時係“半夜三更”? 就係夜晚十一點至零晨一點呢段身體修復的黃金時段喇，所以如果你十一點仲未熟睡，你就算是捱緊夜喇!
捱夜令身體上火出現「熱氣」??
係營養學既角度睇「熱氣」就等於「發炎」，即是身體某些部位出現了紅、腫、痛既炎性反應，加上捱夜會令免疫力好似坐升降機甘，向下直降，令身體更易受細菌及病毒攻擊，所以就會引起連串的捱夜後遺症喇!
而係中醫學的角度睇，日屬陽，夜屬陰，捱夜會令陰陽失調以及損耗陰津。什麼是陰津呢? 陰津就等於身體內的所有既液體，功能上有滋養、潤燥同造血的功能，亦有調整人體陰陽、氣血以及新陳代謝的功能! 所以若然陰津受損，就會出現唔同程度的陰虛內熱現象的「虛火」喇!
而當「虛火」燒到身體某一位置就會出現例如上文提及的症狀喇!
消除「熱氣」的飲食宜忌
a.宜食
可以多食滋陰的食物，如牛奶、豬肉、鴨肉、花膠、海參、淮山、西洋菜、蓮藕、馬蹄、雪梨、甘蔗、茅根、花旗參等。
b.忌食
1. 煎炸(如薯片、蝦條、公仔麵，天婦羅…)
2. 辛辣食物（如辣椒醬、咖喱、Wasabi…）
3. 熱氣食物(如火鍋、燒烤及烘焙食物（如餅乾、曲奇、蛋撻、薄餅…）
4. 熱性食物(例如加啡、朱古力、牛肉、鵝肉、羊肉、雞肉、鱔魚、薑、蔥、洋蔥、蒜頭、蔥頭、大蒜、辣椒、芝麻、榴槤、韭菜、荔枝、龍眼…)
捱夜後遺症逐個捉
1.眼乾澀
熬夜看電視、上網會令眼睛乾澀，應多食含有維他命A的食物，因為可以保持眼睛濕潤，含豐富維他命A的食物包括有魚肝油、肝臟、蛋、深綠色及深黃色蔬菜、紅蘿蔔、紅色燈籠椒、蕃茄、紅心蕃薯、水果方面有木瓜、芒果、皺皮瓜……
不過要如果有敏感要戒口或者是須要控制體重的話，Lutein，或含有前花青素的Billary, Bluberry及Grape Seed Extract都是一個好選擇。
3. 咽乾、唇乾燥、口臭、便秘
熬夜令身體出現「虛火」，若熬夜加上食薯片、花生等煎炸食物，火上加火就等於「炎」，發炎會加速消耗體內的水份，所以捱夜之後就常見咽喉乾、唇燥喇，所以嚴重甚至會喉嚨痛、嘴唇乾裂、腸胃炎等症狀。
口氣方面，由於夜晚我地的消化系統都要停工同休息，若捱夜會消化功能失調，從而令消化不良、腸胃不適，令便便乾結甚至便秘，另一方面，當食物係腸胃儲存得太耐，細菌滋生就會形成口臭喇。
如果已經出現咽乾、唇燥、口臭、便秘，一定一定要多飲水，補救方面當然係要好好地調整腸胃喇! 除了纖維、水份之外，油份都好重要，唔好因為怕肥，而完全戒曬油類的野食呀，因為油份可以潤滑腸道以通大便。可以每日食10m l亞麻籽油，因含有豐富的奧米加三可以潤腸通便的之外，仲可以有抗炎消腫的功能。同時，每日4粒Multi-Acidophilus幫助調整腸胃，排出毒素。再加一杯奇異籽( Chia Seed)蜜糖水，潤腸通便之外，奇異籽的水溶性纖維更可抑制食欲、控制體重、吸走廢物，奧米加三更有保護心臟、補腦補眼的功效。
5. 腦力下降
睡眠是腦細胞儲存記憶同更新的必須條件，可以恢復腦力及體力。若然係短期的睡眠不足，第二日就會發現體力及腦力都會有下降，嚴重時更會出現頭暈、作嘔等的現象，長期捱夜、休息不足，令人集中力同記憶力衰退，人都變得蠢D。
休息不足引致的記憶力衰退，補救方法當然是休息番啦，如果是想提昇記憶力同專注力，銀杏葉、DHA、Phosphatidyl Serine都會幫到你。
長期熬夜會令人容易緊張、焦慮同記憶力下降等，呢個時候要多食含維他命 B的食物，維B可增加腦部的血液循環，可以燃燒澱粉幫身體製造能量，亦可保護神經組織細胞有安神作用，同時亦可降低焦慮同緊張。食物來源方面有瘦肉、雞肉、豆類(如紅豆、綠豆、紅腰豆等)、穀類(全麥包、麥片等)，但一般來講水溶性維B食物含量偏低，加上容易流失，所以可以每早服一粒50m g維他命 B 雜。
5.
易作病又失眠
很多人都誤以為通宵一晚，只要瞓反一整日就可以還到筆睡眠債，但事實係唔得架! 因為夜晚係身體器官、系統做修復及排毒的黃金時間，所以唔瞓就會削弱其功能，影響身體健康。就例如免疫系統甘，我地瞓覺的時間，就係幫佢重新汐叉電的時間，一但有睡眠債，免疫系統唔夠力，甘就會容易患傷風、感冒喇!
捱夜、反夜更、去有時差的外地玩或工幹都會引致生理時鐘錯亂，徒從而引致失眠，包括難入睡、淺睡、早醒等等，補救方法可以臨睡前一小時服一粒退黑色素(Melatonin)，佢除左是可以立即調整睡眠周期同改善質素之外，同時都係一個超強抗氧化劑，加上佢係組成免疫系統、殺手細胞的主要成份，所以可以維持身體健康!流感高峰期都無甘易中招架! !
如果想提神同提升體力，可加每日一粒Vita-Health，當中由橙抽取的維他命 C 是支援免疫細胞的後盾，可增加抵抗力，當中的生物類黃酮素可以抗敏，同時有助加強眼晴的靜脈循環，趕走捱夜引致的黑眼圈。含豐富維他命 C的食物有奇異果、橙、西柚等等……
身體的生理時鐘會指引我地的作息，當違反規律時免疫力、腦力當然會有受損，呢個時侯都想保持戰鬥力? 就要及時正視及處理捱夜後遺症喇!
無兩個人係一樣的，想知道多D保健品的用法，歡迎親身向我地HealthQuest的藥劑師、營養師及Health Specialists查詢。
References:
李廣冀中醫師 2014 捱夜睇波的解救方案
羅頌慧，吳奕興 2008擊退都市病 - 中醫防治保健法
長庚紀念醫院 2008 飲食性味表
Peter Lavelle 2009
Insomnia and your immune system
2014年7月4日 星期五
潮熱無有怕﹗夏天繼續散發自信魅力﹗
June 2014
「近呢年開始，我時不時都周身熱，冬天還可以，夏天最辛苦，塊面好熱好脹，好唔舒服，不過每次維持5分鐘左右又涼番，而且夜晚訓覺會流好多汗，容易紮醒，搞到心情好煩躁﹗」以上係46歲Cogia(化名)的心聲。
其實，Cogia呢個狀況稱為「潮熱」(hot flashes)，係女性在更年期最常見的徵狀之一。由於女性荷爾蒙分泌失調，即係雌激素(estrogens)水平下降，影響下丘腦(hypothalamus)體溫調節機制，錯誤感應身體好熱，為左身體散熱，繼而令到表皮血管擴張，造成潮熱和出汗。
40-60歲女性中75%有潮熱不適，程度和頻率都係因人而異。潮熱出現時，面部會發熱發紅，之後好似一陣陣的熱浪湧向頸部、心口、全身，通常每次30秒至5分鐘不等，有些人會熱到出汗、心跳加速。潮熱症狀可以一日之內出現幾次，甚至每個鐘都出現，規律好難掌握，不但令人尷尬，而且令人忟憎，無心情做家務和返工，連行街的興趣都大減﹔潮熱在夜晚睡覺時出現得比較頻密，影響睡眠質素，甚至失眠，非常之牽動情緒，容易煩躁不安。
潮熱女性當中有70%持續兩年徵狀就漸漸消失﹔有些人則持續幾個月或幾年先至消失，因人而異。雖然潮熱無得預防，不過Cogia從飲食營養和生活習慣入手之後，潮熱出現得少左，而且無之前咁唔舒服，成個人開心返晒﹗
每次潮熱開始時，先飲一杯涼水，深深吸氣、呼氣，放鬆身體，再想像自己身處一個好涼爽的地方，心靜自然涼。最最最緊要Cogia每日都有飲足夠水(6至8杯)，可幫助降溫架﹗
飲食營養
中醫角度睇，潮熱由於陰虛火旺，所以滋陰降火的食物最好喇﹗經常適量食深綠色蔬菜和清涼多汁的水果，好似西瓜、水梨、橙、蘆柑、蘋果、柿子，有豐富的維他命和礦物質，高纖維，幫助增強抵抗力，又可以減輕潮熱的程度和頻率。
除此之外，Cogia都會自己沖泡保健茶，舒緩心煩內熱﹕將枸杞、百合、金銀花放入熱開水沖泡約10-20分鐘就可以飲架啦。
夏天有潮熱已經好辛苦，如果再食熱底或熱氣食物，就會熱上加熱，令潮熱出現得更加頻密架！所以一定要戒口，好似辛辣、酒精、刺激食物、火鍋、BBQ、煎炸野、微波爐食物、補身藥、熱飲、含咖啡因飲品 (例如咖啡、奶茶)。
因為牛肉、雞肉、牛奶製品都含有生長激素，食左之後好可能會擾亂體內荷爾蒙的平衡，所以Cogia連至愛的芝士都決心唔食住，不過之後少左潮熱都係值得架﹗肉類多數揀魚肉或豬肉，又或者食大豆製食物黎攝取蛋白質，例如豆腐、豆漿、豆奶，因為大豆所含的大豆異黃酮(Soy isoflavones)係植物性雌激素，結構同女性荷爾蒙相似，可幫助平衡女性荷爾蒙，減輕潮熱問題。
如果想睡得好些，睡前4個鐘，盡量唔好食糖果、雪糕、甜品、汽水、餅乾、薯片、即食麵等精製碳水化合物，因為會令血糖時高時低，難以入睡。
生活習慣
保持屋企室內空氣流通，吹下風扇和冷氣都有幫助架﹔出街盡量行通爽或有冷氣地方，避免人多擠迫。
今個夏天流行著雪紡質料衫，有潮熱的你，可以買返幾件，平日著薄身、透氣衫，寧願著多幾件薄身好過一件厚身，因為潮熱時可隨時除掉，亦都唔好著太貼身的衫褲、leggings、絲襪之類。睡覺時，最好著棉質睡衣，以提高吸汗作用。
Cogia得閒會去暢泳、緩步跑、做下健身操。適當的運動，可以減輕潮熱的症狀，仲舒緩到壓力，不過唔好太劇烈喎﹗保持心境開朗樂觀，約會三五知己扮靚傾計，同屋企人一齊睇下電視劇，都會幫到減輕症狀架﹗
如果想知有咩營養補充品幫到手，可以睇返之前的一篇文章【女士應如何選服Vitex、Soy Isoflavone 和Black Cohosh?】﹔又如果想了解自己的情況，歡迎隨時向HealthQuest的nutritionists/health specialists或茅 博士查詢。
2014年6月5日 星期四
五招秘笈 同包包面、泡泡眼、「水腫型」肥胖講Bye bye~(上)
做OL的Rosie話每朝起身都會眼腫面腫，夜晚又會腳腫，最明顯是下半身，鞋同褲一早就好鬆動，到收工就自動變緊身!「唉呀~水腫好難攪呀! 仲有兩星期，就要同男朋友去沙巴陽光海灘喇，希望到時可以著番Bikini! 有咩方法幫到我呀?」
1.餐飲偏向過甜或過鹹
2.日坐夜坐唔願喐
3.月經前兩星期開始，水腫會更明顯
秘笈一: 祛水腫關鍵! 大忌重口味!
重口味係指進食過甜或過鹹的食物。Rosie 尤其喜愛食杏甫乾、杯麵、Pizza!
甜的食物相信大家都不難分辨!但好多人都唔知，其實鹽份等於“鈉”，而“鈉”是無處不再的!
天然的食物(牛奶、魚類、蔬菜)，所有醃製的、預先包裝的食物同醬汁(因為用來防腐的硝酸鈉及調味的味精(氨酸鈉)都是鹽)
統統都是重口味的頭號嫌疑犯!!大家要時刻提高警覺!食之前睇營養標籤! 而家政府都推出一個手機Apps幫大家計下數、比較下架，有興趣可以下載番“營計寶”!
重口味的解藥-水
最基本每日要飲8杯! 講到呢度一定有人會話:「我已經水腫，仲飲水咪仲更加腫?」梗係唔係啦!!! 事實係當身體有太多鈉或者糖粉的時候，身體會好想沖淡佢，所以儲更加更加多水份， 從而形成水腫! 所以要袪水就一定起碼要飲到8 杯清水!而且要係晚餐前飲曬呵！
排水食療：檸檬薏米水
材料:生熟薏米半碗，檸檬 1 個，水1升
做法:薏米洗淨後浸2小時，水滾後加入薏米，用大火煮滾後轉小火煮 1小時，放涼後，加兩片檸檬片就可以喇!
(注意孕婦、行經期間不宜食用)
(注意孕婦、行經期間不宜食用)
秘笈二:袪水運動輕鬆做
Rosie坐足成日，長期唔郁，會令身體靜脈的血液循環不良。建議佢反工時，每隔一個鐘就做兩組伸展運動。強化血液循環! 一次過塑造修長、好氣色美腿!
方法: 坐在椅上，左腳向前伸直，保持水平狀態，腳踝關節向自己屈及伸直各5次每次停留5秒，右腳如是。
另外，如果Rosie可以乘乖地飲夠水，建議佢換一個100m l的細杯，增加行去裝水的次數，行多D血液循環都好D!
同時，建議每晚餐後抽45分鐘散下步，但Rosie話:「食飽飯已經好夜，成10點鍾，加上我住果度附近無公園，條街又好多車，落街做運動等於吸塵!!」，「 之前Join過健身架，但成日懶得過去，結果蝕曬!」
同時，建議每晚餐後抽45分鐘散下步，但Rosie話:「食飽飯已經好夜，成10點鍾，加上我住果度附近無公園，條街又好多車，落街做運動等於吸塵!!」，「 之前Join過健身架，但成日懶得過去，結果蝕曬!」
計我話，其實可以買部可摺合的迷你跑步機，甘就可以“零藉口”隨時做運動啦!!我每晚都係屋企，一邊睇住 “Mclub”一邊散步架! 我知道市面上有隻叫“部屋跑步機”既迷你又有測心跳的功能，價錢大約4千幾，都OK架!
營養不良是水腫的其中一個原因，建議經常外食的Rosie每早一粒50m g維他命B雜及400m g礦物質-鎂。
2. 小心久企久坐循環差!
2. 小心久企久坐循環差!
-七葉樹(Hoarse Chestnut)係一隻溫和的利尿劑，當中的“七葉皂甙(Aescin)”可以改善毛細血管的通透性，幫助體內的水循環。
3. 月經前7至14日, 水腫更明顯??
雌激素水平的波動太大，會令體內電解質失去平衡，細胞液走到細胞以外的空間，從而出現水腫、胸脹、頭痛等等的生理問題。
雌激素水平的波動太大，會令體內電解質失去平衡，細胞液走到細胞以外的空間，從而出現水腫、胸脹、頭痛等等的生理問題。
建議1. 服用三個月每日3000m g的月見草油，同時服10m l亞麻籽油效果更加好!可以同時滋養皮膚、指甲同頭髮!
建議2. 或者每日400iu維他命E， 及120m g的銀杏精華。
炎炎夏日來臨，各位姊妹想盡情穿熱褲、背心、Bikini同陽光遊戲?
做齊五招秘笈，想回復緊緻的靚靚身段? 話都無甘易啦!!
今日分享到呢度，下個月再同大家分享秘笈四“按對排水穴，重現瓜子面”， 秘笈五“芳香療法，回復纖腿”! 請繼續留意六月份的HealthQuest健康資訊啦!!!夏天? 一樣的漂亮!
夏天就到啦，你準備好出去迎接炎炎夏日未? 要知道，陽光，特別是夏日的陽光，是女士們的天敵! 如何可以保護你的肌膚免受到強勁紫外線的摧殘? 防曬，特別是適合自己肌膚的防曬，是你保持年輕肌膚的秘訣。
別小看防曬，想要留住青春，這是關鍵的一步!
先說說防曬有什麼類別。 大致上，可以分兩種，一種是物理性的防曬，一種是化學性的防曬，而市面上也有一些是兩者的混合版。
物理性的防曬，就好似一塊鏡子，把光線反射走; 而化學性的防曬，就會同紫外線發生化學反應，從而減低紫外線對皮膚的傷害。
如果有皮膚敏感的人士，或是較大的寶寶(六個月以上)如果要用防曬的話，建議使用物理性的防曬。
究竟BB仔應唔應該用防曬呢?
根據美國兒科學會的建議，如果是6個月以下的寶寶，建議盡量不要帶他出去太陽底下。 如果真的要出去，一定要用傘、寬邊的帽、長袖的衫褲等好好的保護你的小朋友，可以的話，盡量避免不用防曬霜。
同時盡量避免在早上10點到下午4點這段時間出去，這些時間的紫外線比較強。
如果真的難以避免暴露在陽光下的話，也可以搽少量防曬在寶寶的面上。
而物理性的防曬，通常是以氧化鋅 (Zinc Oxide) 或是二氧化鈦 (Titanium Dioxide)作為主要的防曬成份。 而化學性防曬的成份，例如Ensulizole，Octisalate，Homosalate，Octocryplene，Oxybenzone，Avobenzone，Ecansule等等。
可是物理性防曬有它不足的地方，就是它本身是白色的，擦在皮膚上不易推得均勻。
市面上有一些是納米的物理性的防曬，擦上去更易推，又不會令皮膚太白; 但同時又衍生了其他問題，就是研究發現，這些防曬的粒子咁細，會被皮膚吸收，進入身體。
而且吸收之後對身體對影響也難以估計。 所以還是選一些不是納米的防曬霜會較好。 根據我的經驗，先搽保濕或者滋潤的乳液或者面霜，會令它更易推開，更均勻。
有些人也會追求天然的防曬用品，所以也會DIY自己的防曬產品，要留意的是DIY的防曬度數比較低，且防曬的度數較難估計 (如果是膚色較白的話，我還是建議用一些市面上防曬度數高d的產品)。
以下是網路上較常見的DIY製作方法之一:
1. 防水防曬(皂型) (~20 SPF)
材料:
1.5安士蜂蠟 (Bee Wax)
1.5安士乳油木果油 (Shea
Butter)
1.5 安士椰子油 (Coconut
Oil)
1 安士氧化鋅 (Zinc
Oxide)
10滴茶樹油 (Tea Tree
Oil)
(圖源自Leisha’s HOMEMADETOAST.
The TRUTH about Homemade Sunscreen)
做法:
1. 首先將蜂蠟、乳油木果油和椰子油放在一個耐熱的容器，把容器放在正在沸騰的水裡，直至全部溶解。
2. 待溶解後，停止加熱，加入氧化鋅的粉，倒模。
3. 完全冷卻。 從模中取出來，保持冷藏直至拿出來用。
2. 防曬乳液 (~20 SPF)
材料:
2安士乳油木果油 (Shea
Butter)
2安士椰子油 (Coconut
Oil)
1安士氧化鋅 (Zinc
Oxide)
大約8滴茶樹油 (Tea Tree Oil)
做法:
1. 首先將乳油木果油和椰子油放在一個耐熱的容器，把容器放在正在沸騰的水裡，直至全部溶解。
2. 待溶解後，停止加熱，加入氧化鋅的粉，到入容器內。
3. 完全冷卻，儲存在室溫。
參考資料:
1. Peter M. Prendergast & Melvin A., <<Aesthetic Medicine:
Art and Techniques>>
2. American
Academy
3. Samuel S. Epstein. <<Toxic Beauty: How Cosmetics and Personal-Care
Products Endanger Your Health … And What You Can Do About It >>
4. Leisha. HOMEMADETOAST. The TRUTH about Homemade Sunscreen. http://www.homemadetoast.com/2013/07/the-truth-about-homemade-sunscreen.html
食朱古力可舒緩經痛嗎?? 5大妙法踢走每月一痛﹗
「好痛啊！可唔可以幫我買杯熱朱古力呀﹖」女人，每個月總有些日子唔方便。果幾日，女士們會感覺腹悶、隱隱作痛，有些甚至痛到無法站立、全身無力，為左降低疼痛和不適，我身邊幾位女性朋友都習慣在經痛時食或飲朱古力，唔通朱古力真係咁神奇﹖
朱古力有糖分和苯乙胺，令人有短暫的愉悅感，舒解經前或經期的負面情緒；成分中的鎂可放鬆繃緊的子宮肌肉，避免過度收縮；其中的咖啡因可調節中樞神經系統，減輕疼痛。不過，如果食太多朱古力，咖啡因攝取過量，反而容易刺激子宮肌肉收縮，加重疼痛感，而且其潛藏的熱量又會造成肥胖問題。
其實，月經來臨前兩三日或兩星期，在情緒上會出現焦慮、抑鬱、易怒、情緒容易波動，在生理上則會發熱潮紅、噁心、水腫、乳房或下腹部腫脹、脹氣、便秘、腹瀉、胃口改變，甚至嗜睡、失眠等超過150種症狀，最常見係腹痛、頭痛、勞累，即所謂的「經前綜合症」(PMS, Premenstrual syndrome)，係由於體內荷爾蒙分泌出現不平衡。
普遍上，經前或經期的腹痛係由於子宮劇烈收縮所形成的抽筋感，又稱為「原發性經痛」，多數人在月經來的第二至三日會自然無事。姊妹們，等我介紹以下5大妙法俾你地舒緩經痛啦，從此可以挺起腰骨過活﹗
No.1 熱敷
用熱水袋熱敷下腹，幫助腹盆腔血液循環，可以舒緩疼痛。溫水淋浴可鬆弛肌肉，有助於經血排出，緩和經痛。
No.2 穴位按摩
按摩係解決經痛最常用方法，有助調順血流、平衡荷爾蒙，令腹部暖和及放鬆腹部肌肉，讓經血順利排出及減少水腫。適當的穴位按摩，再加上香薰精油配方塗抹，簡直無得彈﹗
-合谷穴﹕(手部虎位) 用拇指按壓2秒，重按40下，同時吸氣吸到腹痛處。
-關元穴﹕(肚臍下4根手指位) 用食指及中指按壓2秒，重按40下﹔之後右手掌放在左手上，可以推至腰間及下背部，循順時針深層按摩。
-三陰交穴﹕(腳踝上4根手指內則位) 用食指及中指按壓2秒，重按40下。
玫瑰天竺葵 (Rose Geranium)﹕10 drops
薰衣草 (Lavender)﹕10 drops
快樂鼠尾草 (Clary Sage)﹕10 drops
甜杏仁油 (Sweet Almond Oil) ﹕20
ml
No.3 飲食習慣小貼士
在月經前一至兩星期，飲食最好清淡，建議維持一個低脂肪而高纖維的均衡飲食。多攝取維他命(如B6、C、E)、礦物質(如鈣、鎂、鉀、鐵)及必需脂肪酸(如亞麻油酸)，以保持心情愉快及有動力。以下有一些飲食上的建議可作參考﹕
宜吃
-水果﹕ 多食不寒不燥的水果，如蘋果、木瓜、菠蘿。
-蔬菜﹕ 多食十字花科蔬菜，如西蘭花、花椰菜。
-蛋白質﹕多食豆腐、魚類、果仁。
-澱粉質﹕多食低糖或複合碳水化合物食物，如燕麥、紅米、糙米飯、麥包、麥餅。
在中醫角度睇，經痛主要係氣血虛寒、氣滯所致，多數建議飲黑糖水加薑調和。
不過，最重要係多飲暖或熱清水，既促進血液流動，又減少便秘，咁樣可以減低經痛程度啊﹗
忌吃
-含咖啡因(caffeine)食物及飲料﹕如咖啡、茶、朱古力、可樂等。因為咖啡因會引致神經緊張，導致容易頭痛和暴燥，而且也會刺激子宮肌肉收縮，加重痛症。
-“涼野”或生冷食品﹕如凍飲、沙律、壽司、瓜類蔬菜及水果、橘子類水果、水梨等。因為食生冷食品會加速子宮收縮及減慢體內血液流動，導致經行不暢而產生經痛。
-高鹽份或太鹹食物﹕因為高鹽份會使體內水份滯留，容易引起頭痛、全身腫脹、不安、易怒。
-高糖份及精製碳水化合物的食物﹕包括糖果、雪糕、甜品、汽水、蜜糖、玉米片、餅乾、薯片、即食麵、白麵包、義大利麵等。因為進食後會使血糖時高時低，容易引起情緒波動。
No.4 營養補充品
除左從食物攝取足夠的所需營養之外，我地都可用營養補充品黎幫助平衡荷爾蒙，可以調理身體，大大減輕period的不適。
- Evening Primrose Oil (月見草油)：提供豐富的次亞麻油酸(GLA)，有助減輕發炎反應及穩定荷爾蒙，對舒緩經前綜合症狀有幫助，如腹部脹痛、肚瀉、腳抽筋、情緒不穩。(一般都不需要長期服用，1個月至3個月便可)
- Vitamin B Complex (維他命B群)：其中的維他命B6刺激產生血清素，可緩和焦慮不安、情緒不穩等現象，仲可以緩解腹痛、頭痛、水腫。在月經前一星期開始，建議每日攝取50毫克的維他命B群，記得要飲夠水。(大多都市人都缺乏維他命B群，所以當平時日日補充都可以﹗)
-Calcium
(鈣)﹕可以緩解血管及肌肉的收縮，預防經痛、偏頭痛。在月經前一至兩星期，需攝取較多鈣質(建議每日1000-1200mg)，一半可從食物攝取，另一半從鈣補充品攝取。
- 聖潔莓
(Vitex/Chasteberry)：係一種有助平衡荷爾蒙的草本，而且有效減輕不適症狀。
由於每個人的情況都有唔同，所以在飲食上及營養補充品上的配合也會有分別，以上提過的只係建議，如果想了解自己的情況，歡迎隨時向我地查詢。
No.5 運動及良好生活
-做簡單的伸展運動，一方面可促進血液循環以減輕不適症狀，另一方面可改善心情。有興趣可click入呢條影片，跟住一齊做
>>> https://www.youtube.com/watch?v=QPHYpU6l 7Zg
-保持充足睡眠，避免熬夜或過度疲勞，以減低神經及肌肉緊張。
-戒煙戒酒，因為吸煙和飲酒會刺激子宮收縮，加重疼痛。
-學習放鬆心情，做自己喜歡的事，設法舒解壓力。因為心理質素愈差，忍痛能力會愈低﹗
希望大家嘗試以上5大心得，好好保養自己，相信姊妹們每一日都可以精神爽利﹗
訂閱：
文章 (Atom)